Puzzle Jahresend-„Versli“ – Tschüss 2017!

Das neue Jahr ist schon zehn Tage alt. Zeit, um einen letzten Blick zurück auf unser Puzzle Jahr 2017 zu werfen und in Erinnerungen zu schwelgen. Unsere Dichter Andreas Odermatt und Gertrud Schober haben zu diesem Zweck einen Reim verfasst. In Berndeutsch! Viel Spass! 

Bimnä Top-Secret Träffe im Gnu

– heimer die Värsli zämädichted im Nu!

Ou I däm Jahr isch wieder so viu passiert, mä chas fasch nid studiere.…

– höchschti Zyt lö mirs doch mau la Revue passiere!

Ab Februar hei mir neui Büroluft igschnuuufet

– u derä Bäupstraass oderdentlich läbä ighuuchet.

Klar truure mir däm Eigerplatz u Level Zero na

– Dank dr Piazza, em Mittagstisch, Bandruum u Duschine het dr Kummer aber schnäu naaglaah

Igweit heimer die Rüümlichkeite – wie chönts ou anders sii

– mit ere ruuschende, füecht-fröhliche Puzzle-Partii

Hesch grad kes Gspändli zum ässä? Das isch ab izzä verbii!

– Cher eifach um die Zwöufe ume ir Piazza Grande ii!

Gmäss dä Architekte wärdä die Tische dank dr „Pattina“ immer schööner,

– mir dänkä das wird no schwirig bi Indisch, Thaicurry, Pasta und Dööner.

Dank Tshirts, Polos, Hoodies, Chappe – auso quasi die ganzi Montuur

– trage mir sä iz ou stolz nach ussä, üsi Puzzle-Kultuur

Üsi Puzzle-Bar kennt fasch jede Member meh aus nüme flüchtig,

– ou bi üsnä Chunde isch si mittlerwiliä scho berüchtigt.

U öppis wo eim immer wieder tuet erstuune

– wie schnäu die Puzzler dä Bier-Chüelschrank chöi läär ruume.

Zum Glück heimer iz dr Brewie und sini Braumeister-Equippe

– de chöimer bi akutem Burgdorfer Mangu no äs feins Craft-Bier kippe

Mir hei üs scho immer wöue abhäbä vo dr Massä

– drum heimer iz ou schöni neui Puzzle Biergläser u Tassä!

Am Puzzle up! Hei mir glert äs gäbi auso gueti Gründ

– sigä die Hund u Chatz nid beschti Fründ.

Drmit wei mir nid sägä das mir Hünd nid gärn hei

–  Aber die Büsis füehle sich bi Puzzle haut scho sehr dehei

Bi Puzzle hei mirs scho lang glehrt, Büsis muesch eifach la mache

– de chöi si sech entfalte und entwickle spannendi Sache

Mir hei übrigens äs neus Huustier, d‘Hannelore

– die isch mittlerwiilä ä Star und immer ungerwägs wie ne more!

Und APPUiO, dr Shooting Star i üsem Agebot

– wird scho 1-jährig, ja die Zyt vergeit flott..

U mit üsem neue Produktmanager, äm Tobi Tröhler

– fühlt sich nid nur d‘Hannelore sondern z ganze Team nomau wöhler.

Dr Zuekunftstag ghört bi üs eifach de Froue

– müesst de luege in Zuekunft chöi mir uf die boue!

U wöu sich no nid jedes Modi mit Entwickle uskennt,

– organisiere mir natürlich dr Rails-Girls Event

Ou im 17äni isch wieder viu Of-The-Job Fun und Event-Mässig los gsy

– zum Bispiu mitem Container Event, Puzzle Workshop, Aareböötle, Family-Alass, Puzzle Lunch, 5 Jahr We Are Cube und dr 30 Jahr Jubiläums Party

Ou süsch isch viu gloffä u mir hei einigi Erfouge döörfä fiirä

– unter anderem d BLS Partnerschaft, Fürschtetum Lichtestei und so witer, aber i wot iz nid afa liire…

U ja, z Jahr 2017 isch ou ä richtige Puzzle Meilestei

– iz fühle sich scho über 100 Member bi üs dehei

U wie sichs ghört, mache mir das was mä i so momentä bi Puzzle tuet mache

– u lös scho gli are riesä Party so ordentlich la krache!

I höre iz mau uf, wöu wägä däm sit dir ja nid hie härä cho

– machä mir das wo Puzzle am beschtä cha, ab iz Apéro!!

Kommentare sind geschlossen.